«Сёння свята польскага гонару, мужнасці і гонару! Упершыню мы адзначаем Нацыянальны дзень памяці жаўнераў Арміі Краёвай», — напісаў прэзідэнт Анджэй Дуда на сайце «Х».
Прэзідэнт заклікаў ушанаваць памяць ветэранаў, а таксама «аддаць даніну памяці воінам Арміі Краёвай ля помнікаў, дошак і на плошчах тым, хто з нязломнай любоўю да Радзімы змагаўся за яе свабоду». «Яны нагадалі свету, што +Польшча яшчэ не згінула+. Гонар і слава Героям!» — падкрэсліў прэзідэнт.
Дзень усенароднай памяці воінаў Арміі Краёвай прыпадае на 14 лютага. Сёлета святкаванні пройдуць упершыню. Прэзідэнт Анджэй Дуда ўсклаў вянкі да магіл камандзіраў Саюза ўзброенай барацьбы і Арміі Краёвай на Вайсковых могілках Павонзкі. Таксама адбыліся ўрачыстыя мерапрыемствы перад помнікам Польскаму падполлю і Арміі Краёвай.
- Пры стварэнні Армія Краёва налічвала ў сваіх шэрагах каля 100 тысяч жаўнераў. Праз два гады - у 1944-м годзе - налічвала ўжо 400 тысяч. Гэта значыць, што ўвесь час далучаліся да яе людзі, моладзь, якая верыла, што нягледзячы на нямецкую акупацыю, і савецкую акупацыю часткі польскай тэрыторыі, што можна будзе адрадзіць незалежную і суверэнную дзяржаву. Яны былі гатовыя за гэта змагацца ды гінуць.
Закон аб усталяванні Нацыянальнага дня памяці жаўнераў Арміі Краёвай быў аднагалосна прыняты Сеймам 9 студзеня гэтага года. «У знак пашаны жаўнерам Арміі Краёвай — найбуйнейшай падпольнай арміі ў акупаванай Германіяй і Расіяй Еўропе, арміі, якая, як узброенае крыло Польскай падпольнай дзяржавы, вяла гераічную барацьбу за аднаўленне суверэнітэту і незалежнасці Польскай Рэспублікі, і чые салдаты пасля Другой сусветнай вайны пераследаваліся камуністычнымі ўладамі, залежнымі ад Савецкага Саюза», — гаворыцца ў прэамбуле. Сенат таксама падтрымаў закон аднагалосна.
6 лютага акт аб заснаванні гэтага свята падпісаў прэзідэнт Анджэй Дуда.
Ініцыятарам стварэння Дня ўсенароднай памяці воінаў Арміі Краёвай выступіла Упраўленне па справах ветэранаў вайны і ахвяр рэпрэсій. 14 лютага 1942 г. галоўнакамандуючы генерал Уладзіслаў Сікорскі выдаў загад аб пераўтварэнні Саюза ўзброенай барацьбы ў Армію Краёвую.
РАР/юл