Міністр унутраных спраў і адміністрацыі Польшчы паведаміў пра другі акт сабатажу на чыгунцы

Заўтра адбудзецца экстранае пасяджэнне ўрадавага Камітэта па нацыянальнай бяспецы, паведаміў у сваю чаргу кіраўнік польскага ўраду.

Рамонтныя работы на кантактнай лініі паміж станцыямі Пулавы-Азоты і Пулавы Хімія

PAP/Wojtek Jargiło

Заўтра раніцай (аўторак, 18 лістапада) адбудзецца экстранае пасяджэнне ўрадавага Камітэта па нацыянальнай бяспецы, паведаміў прэм'ер-міністр.

Дональд Туск напісаў у сацыяльных сетках, што ў пасяджэнні возьмуць удзел вайсковыя камандзіры, кіраўнікі службаў і прадстаўнік прэзідэнта.

На пасяджэнні будзе абмеркавана пытанне аб актах сабатажу на чыгунцы.

Раней, міністр унутраных спраў і адміністрацыі паведаміў, што на чыгунцы адбыліся два акты сабатажу. Марцін Кярвінскі паясніў, што адзін з іх – пацверджаны – гэта прарыў рэек у Гарволіньскім павеце (недалёка ад станцыі Міка), а другі – вельмі верагодны – пашкоджанне лініі электраперадачы (кантактнай лініі) на даўжыні прыблізна 60 метраў каля горада Пулавы (Puławy) і ўстаноўка металічнага заціску на рэйках.

IAR/аз