Афіцыйны прадстаўнік ураду падсумаваў два гады дзейнасці Кааліцыі 15 кастрычніка. Выбары адбыліся 15 кастрычніка 2023 года, але ўрад распачаў сваю працу 13 снежня таго ж года. У відэа, размешчаным у сацыяльных сетках, Адам Шлапка падкрэсліў, што за гэты час Польшча стала мацнейшай.
– Мы паклапаціліся пра бяспеку: рэкордныя выдаткі на абарону, сучасная армія і герметычная мяжа. Мы затрымалі рост цэн – інфляцыя ўпала ніжэй за 3%, а заработная плата расце хутчэй, чым у іншых развітых дзяржавах. Польшча сёння – 20-ая эканоміка свету.
Адам Шлапка адзначыў, што кааліцыя сутыкаецца з далейшымі выклікамі. Сярод іх ён згадаў інвестыцыі ў транспартную і энергетычную інфраструктуру, а таксама лічбавізацыю дзяржавы.
IAR/нг