Ваенная авіяцыя дзейнічае ў польскай паветранай прасторы, паведаміла ў аўторак Аператыўнае камандаванне Узброеных сіл Польшчы. Аэрапорты ў Жэшуве і Любліне часова прыпынялі працу.
«У адпаведнасці з дзейснымі працэдурамі Аператыўнае камандаванне Узброеных сіл Польшчы актывавала неабходныя сілы і рэсурсы, якія ёсць у яго распараджэнні. Наземныя сістэмы супрацьпаветранай абароны і радыёлакацыйнай разведкі прыведзеныя ў стан гатовасці», – паведаміла камандаванне на платформе X.
Аператыўнае камандаванне Узброеных сіл Польшчы таксама падкрэсліла, што гэтыя аперацыі маюць прафілактычны характар і накіраваны на забеспячэнне бяспекі і абарону паветранай прасторы, асабліва ў раёнах, прылеглых да ўкраінскай тэрыторыі.
«Аператыўнае камандаванне Узброеных сіл Польшчы сочыць за бягучай сітуацыяй, а падпарадкаваныя яму сілы і рэсурсы застаюцца гатовымі да неадкладнага рэагавання», – гаворыцца ў заяве.
З-за неабходнасці «забяспечыць свабоду ваеннай авіяцыі» паветраныя аперацыі ў дзейнасць аэрапортаў Жэшува і Любліна была часова прыпыненыя. Пасля 7-й гадзіны раніцы Польскае агенцтва па аэранавігацыйных паслугах абвясціла аб аднаўленні паветранага руху ў абодвух аэрапортах.
PAP/юл