У Польшчы аддаюць даніну пашаны Выклятым жаўнерам — героям антыкамуністычнага супраціву 

Па ўсёй Польшчы праходзяць жалобныя ўрачыстасці ў гонар тых, хто пасля Другой сусветнай вайны са зброяй у руках выступіў супраць камуністычнай дыктатуры

1 сакавіка ў Польшчы адзначаецца Дзень памяці Выклятых жаўнераў

Фота: IPN

1 сакавіка ў Польшчы адзначаецца Нацыянальны дзень памяці Выклятых жаўнераў — дзяржаўнае свята, прысвечанае ўдзельнікам антыкамуністычнага падполля. Сёлета яго адзначаюць ужо ў 16-ы раз. Дата служыць напамінам пра пасляваенны незалежніцкі рух, які пасля 1944 года не склаў зброі і працягнуў барацьбу супраць камуністычнай улады, падпарадкаванай Маскве.

„Być zwyciężonym, a nie ulec — oto jest zwycięstwo.”
„Wymodlony, wymarzony i kochany mój synku. Piszę do Ciebie po raz pierwszy i ostatni. W tych dniach bowiem mam być zamordowany.”
(20.01.1951 r., gryps z więzienia płk. Łukasza Cieplińskiego)
1 marca 1951 r. w więzieniu… pic.twitter.com/EAmLvN2Dwn

— Sztab Generalny WP (@SztabGenWP) March 1, 2026

Кіраўнік Упраўлення па справах ветэранаў і рэпрасаваных Лех Парэль падкрэсліў, што ў гэтых людзей «забралі не толькі жыццё, але і годнасць, і памяць — за тое, што яны змагаліся за свабоду Польшчы»: 

«Гэта былі тыя ж самыя байцы, якія на працягу шасці гадоў змагаліся супраць нацысцкай Германіі, але пасля вайны часта самі станавіліся аб’ектам пераследу і беспадстаўных абвінавачанняў у калабарацыі з боку камуністычных уладаў».

Нацыянальны дзень памяці Выклятых жаўнераў прыпадае на гадавіну расстрэлу членаў IV галоўнага ўпраўлення аб'яднання «Свабода і Незалежнасць». 1 сакавіка 1951 года ў варшаўскай турме стрэлам у патыліцу былі забітыя: Лукаш Цапліньскі, Мечыслаў Кавалец, Юзаф Баторы, Адам Лазаровіч, Францішак Блажэй, Караль Хмель і Юзэф Жэпка.

Па ўсёй Польшчы праходзяць жалобныя ўрачыстасці ў гонар тых, хто пасля Другой сусветнай вайны са зброяй у руках выступіў супраць камуністычнай дыктатуры, а таксама грамадзянскіх асобаў, якія падтрымлівалі падполле.

Адметна, што польскае антыкамуністычнае падполле было буйнешым у еўрапейскім маштабе, якое ахоплівала ўсю тэрыторыю краіны, уключна са страчанымі ўсходнімі рэгіёнамі міжваеннай Польшчы.

iar/эж