Удзельнікі групоўкі карысталіся спрыяльнымі ўмовамі надвор'я і перапраўлялі цыгарэты праз мяжу з дапамогай метэаралагічных шароў, расказвае прэс-сакратар Падатковай адміністрацыйнай палаты ў Любліне Міхал Дэруш.
— Групоўка дзейнічала з мая 2025 года да красавіка бягучага году на тэрыторыі Люблінскага, Падляшскага і Мазавецкага ваяводстваў. За гэты час у Польшчы прызямлілася 160 шароў з кантрабандай. Пасля прызямлення цыгарэты пераймалі чарговыя члены групы, каб далей іх распаўсюджваць. Па гарачых слядах затрымалі 34-гадовага грамадзяніна Беларусі. У Люблінскай пракуратуры мужчына пачуў абвінавачанне ў кіраванні злачыннай групай. Яго арыштавалі на тры месяцы.
Затрыманы грамадзянін Беларусі часткова прызнаўся ў падатковым злачынстве, у якім ён абвінавачваецца. Яму пагражае да 15 гадоў пазбаўлення волі.
Службы не выключаюць далейшых арыштаў.
ав