Улады Польшчы вырашылі падоўжыць спецыяльную аперацыю «Гарызонт», якая накіраваная на ахову крытычнай інфраструктуры і супрацьдзеянне магчымым дыверсіям. Паводле рашэння прэзідэнта Караля Наўроцкага і віцэ-прэм'ера, міністра нацыянальнай абароны Уладзіслава Касіняка-Камыша, аперацыя будзе дзейнічаць да 31 жніўня.
У яе межах вайскоўцы падтрымліваюць паліцыю і іншыя сілавыя ведамствы, патрулююць чыгуначныя лініі, транспартныя вузлы і стратэгічныя аб’екты па ўсёй Польшчы. Асаблівую ролю адыгрываюць Войскі тэрытарыяльнай абароны, якія выкарыстоўваюць беспілотнікі і сучасныя сістэмы назірання для выяўлення пагроз.
Аперацыю распачалі ў лістападзе 2025 года пасля некалькіх дыверсій на польскай чыгунцы.
Спецслужбы Польшчы лічаць рызыку сабатажу і спробаў дэстабілізацыі актуальнай, таму кругласутачны маніторынг і ўзмоцненая ахова будуць дзейнічаць, як мінімум, да канца лета.
pap/эж