Мадэрнісцкі цэнтр Гдыні ўнесены ў спіс Сусветнай спадчыны ЮНЕСКА. Арганізацыя паведаміла пра гэта на сваім сайце X. Рашэнне было прынята падчас 48-й сесіі Камітэта сусветнай спадчыны, якая зараз праходзіць у Паўднёвай Карэі.
За гэты тытул змагаліся гарадскія ўлады Гдыні, якія падкрэслівалі, што цэнтр горада ўнікальны ў глабальным маштабе.
— У свеце ёсць толькі некалькі гарадоў, цэнтры якіх былі пабудаваны ў адзіным стылі мадэрнізму, і ў нашай частцы Еўропы такім прыкладам з’яўляецца Гдыня. Плошча мадэрнісцкага цэнтра горада займае прыблізна 88 гектараў. Гэта таксама амаль 450 будынкаў, — паведамляецца на сайце гарадской адміністрацыі.
Як падкрэслілі мясцовыя ўлады, хоць Гдыня развівалася хутка і маштабна, як праекты архітэктараў грунтаваліся на прынцыпе «менш — гэта больш».
— Мадэрнісцкія будынкі вылучаюцца высакароднай прастатой, функцыяналізмам і сучаснымі структурнымі рашэннямі. Вялікія шкляныя паверхні дадаюць лёгкасці і асвятляюць інтэр'еры будынкаў. Архітэктары таксама чэрпалі натхненне з блізкасці мора, у выніку чаго зʼявіліся шматлікія будынкі, якія нагадваюць караблі на сушы, з круглымі вокнамі, надбудовамі, якія нагадваюць капітанскія масткі, і закругленымі сценамі, каб нагадваць карпусы караблёў, — чытаем на афіцыйным сайце горада.
IAR/аз