У суботу адбудзецца ваенны парад з нагоды Дня Войска Польскага, у якім, акрамя польскіх вайскоўцаў, таксама возьмуць удзел вайскоўцы краін-саюзніц.
Украінскае абароннае ведамства паведаміла аб гэтым медыям і прыгадала, што ў папярэднія гады ўкраінскія вайскоўцы ўдзельнічалі ў парадзе 15 жніўня.
Украінскія каментатары звяртаюць увагу на тое, што Дзень Войска Польскага быў заснаваны ў памяць пра пераможную Варшаўскую бітву падчас польска-бальшавіцкай вайны 1920 года, у якой украінскія саюзніцкія падраздзяленні плячом да пляча з палякамі ваявалі супраць савецкіх захопнікаў.
У Польшчы і ва Украіне памятаюць постаць палкоўніка Марэка Безручкі, які, у прыватнасці, кіраваў абаронай Замосця.
IAR/яс