Віцэ-прэм'ер, міністр замежных спраў Польшчы Радаслаў Сікорскі выступіў за стварэнне пастаяннага «Еўрапейскага легіёна», які павінен узмацніць здольнасць Еўропы самастойна адказваць за сваю бяспеку. Пра гэта дыпламат заявіў у інтэрв’ю грэцкай газеце Kathimerini.
— Еўрапейскаму саюзу патрэбная значна глыбейшая ваенная інтэграцыя. Таму я выступаю за стварэнне «Еўрапейскага легіёна», — сказаў Сікорскі.
Паводле яго, гэта магла б быць пастаянная спецыялізаваная сіла, здольная набіраць дасведчаных вайскоўцаў, у тым ліку ўкраінскіх ветэранаў пасля заканчэння вайны з Расіяй. Міністр падкрэсліў, што легіён павінен дапаўняць НАТА, а не канкураваць з Альянсам.
Радаслаў Сікорскі таксама назваў расійскую гібрыдную вайну супраць краін усходняга флангу НАТА «штодзённай атакай» на грамадзян і крытычную інфраструктуру.
pap/эж