З першых момантаў пілігрымкі Францішак моцнымі словамі настаўляў церпячых жыхароў гэтай вялізнай краіны. Ён заклікаў: «Рукі прэч ад Афрыкі! Перастаньце яе душыць: гэта не шахта, якую трэба эксплуатаваць, і не зямля, якую трэба раскопваць».
Польскі святар Пётр Гандзюк, які працуе ў Конга шмат гадоў, падкрэслівае, што словы Папы важныя для ўсяго Чорнага кантынента, дзе мільёны людзей па-ранейшаму жывуць у галечы і эксплуатуюцца рознымі паўстанцкімі групамі і міжнароднымі канцэрнамі, якія рабуюць гэты кантынент. «Людзі вераць, што Францішак прынясе благаслаўленне міру на нашу зямлю», – кажа польскі святар, які працуе ў Конга ўжо 30 гадоў.
Безумоўна, гэты візіт не прынясе цудаў і неадкладных змен у структурах Конга, але большасць людзей глядзіць на Святога Айца як на носьбіта міру. Яны вераць, што гэта прынясе дабраславенне і мір краіне, якая больш за 20 гадоў пакутуе ад розных канфліктаў.
Арцыбіскуп сталіцы Кіншасы адзначыў, што прыезд Францішка вяртае народу Конга надзею на лепшую будучыню.
Конга з'яўляецца хрысціянскай краінай, і больш за 40 працэнтаў – каталікі.
ав