Больверк падкрэслівае, што гэта ўжо «сур'ёзная праблема». Цэнтральная габрэйская кансультацыя (CJO) паведаміла, што па меншай меры шэсць габрэйскіх дзяцей у Амстэрдаме за апошнія дні па гэтай прычыне змянілі школу.
Нацыянальны каардынатар па барацьбе з антысемітызмам Эда Вердонер таксама пацвярджае «трывожны рост» антысеміцкіх здзекаў у галандскіх школах. «Праявы нянавісці да габрэяў гучаць у класах», – кажа Вердонер.
«Дзяцей пераследуюць і запалохваюць з-за габрэйскага паходжання. Інфармацыя пра вайну (у Газе. – Рэд.) даходзіць да дзяцей вельмі хутка і нефільтраваным шляхам праз сацыяльныя сеткі», – падкрэслівае каардынатар. Пры гэтым Вердонер адзначае, што некаторыя габрэі настолькі напалоханыя цяперашняй сітуацыяй, што ўжо не выходзяць на вуліцы з традыцыйным уборам – кіпаю – на галаве.
На мінулым тыдні тры габрэйскія школы ў сталіцы былі зачыненыя з-за страху гвалту пасля званка ад чалавека, які назваў сябе байцом ХАМАС. Атрымаўшы ўзмоцненую ахову, у панядзелак яны аднавілі сваю працу.
PAP / вх