Міхаіл Булгакаў - сімвал расійскага імперыялізму, а яго творчасць - гэта прапаганда імперскай палітыкі Расіі. Так постаць вядомага расійскага пісьменніка ацаніла спецыяльная камісія Украінскага інстытута нацыянальнай памяці, якая рэкамендавала прыбраць з публічнай прасторы любыя формы ўшанавання памяці, народжанага ў Кіеве расійскага пісьменніка.
Камісія з украінскіх навукоўцаў - гісторыкаў і літаратуразнаўцаў - выдала заключэнне, якoе супадае са шматлікімі ранейшымі меркаваннямі ўкраінскіх інтэлектуалаў пра Міхаіла Булгакава.
Як чытаем, пісьменнік у сваіх творах негатыўна і часта здзекліва паказваў украінцаў, іх культуру, мову, а таксама ўкраінскае імкненне да ўласнай дзяржаўнасці. На думку экспертаў, ён прасоўваў шавіністычную і імперскую пазіцыю Расіі.
Свае тэзісы камісія ілюструе цытатамі, у тым ліку з рамана «Белая гвардыя». Дзеянне рамана адбываецца ў адной з камяніц кіеўскага раёна, дзе жыла сям'я Булгакаў. У цяперашні час у гэтак званым доме Турбіных размяшчаецца музей і помнік пісьменніку.
IAR/аз