Ноччу, паводле польскага часу, у Лос-Анджэлесе прайшла 97-я цырымонія ўзнагароджання Прэміямі Акадэміі кінематаграфічных мастацтваў і навук.
«Оскара» за найлепшы фільм атрымаў камедыйна-драматычны фільм Шона Бэйкера «Анора» («Anora»). У сваю чаргу сам Шон Бэйкер атрымаў прэмію для найлепшага рэжысёра.
Агулам фільм «Анора» атрымаў прэміі ў пяці намінацыях: за найлепшую жаночую ролю першага плану (Майкі Мэдысан), за найлепшы арыгінальны сцэнар і найлепшы мантаж.
«Оскар» за мужчынскую ролю першага плану ў фільме Брэйдзі Корбэт «Бруталіст» («The Brutalist») атрымаў Эйдрыен Броўдзі. Згаданы фільм таксама быў уганараваны статуэткамі для найлепшага аператара і найлепшы саўндтрэк.
У сваю чаргу «Оскара» за найлепшую ролю другога плану атрымаў Кіран Калкін за ролю ў фільме «Сапраўдны боль» («A Real Pain») рэжысёра Джэсі Айзэнберга.
Прэмію для найлепшай акторкі другога плану за ролю ў фільме «Эмілія Перэс», атрымала Зоі Салдана.
аз