Сістэмы HIMARS павысілі абароназдольнасць Эстоніі

Купля амерыканскіх пускавых установак — адна з самых дарагіх здзелак такога тыпу ў гісторыі Эстоніі.

РСЗА HIMARS на ўзбраенні Войска Польскага

фота: Polskie Radio

Эстонія атрымала шэсць сістэм залпавага агню HIMARS. У эстонскім Міністэрстве абароны падкрэсліваюць, што яны значна ўмацуюць абаронны патэнцыял краіны.

Купля пускавых установак HIMARS — адна з самых дарагіх здзелак такога тыпу ў гісторыі Эстоніі. Кошт кантракту складае 200 мільёнаў еўра. Пагадненне са Злучанымі Штатамі было падпісанае ў канцы 2022 года. Акрамя закупкі самога абсталявання, яно таксама ўключае, сярод іншага: навучанне і тэхнічную падтрымку.

Сістэмы HIMARS дазваляюць весці агонь па вызначаных мэтах з адлегласці больш за 300 км. Міністр абароны Эстоніі Ханна Пеўкур, падкрэсліў, што амерыканскія сістэмы значна павышаюць абароназдольнасць краіны, але гэта толькі адзін з элементаў больш шырокай мадэрнізацыі ўзброеных сіл.

Чакаецца, што ў Эстоніі неўзабаве з'явяцца новыя сістэмы ўзбраення і дадатковыя боепрыпасы. Эстонцы некалькі тыдняў таму абвясцілі, што ў бліжэйшыя гады іх выдаткі на абарону павялічацца да больш чым пяці працэнтаў ВУП.

Пускавыя ўстаноўкі HIMARS таксама неўзабаве будуць пастаўлены ў Літву і Латвію.

IAR/аз