Мастак апублікаваў фота графіці ў сваім акаўнце ў Instagram, але не раскрыў яго месцазнаходжанне.
Як паведамляе BBC, у сацыяльных сетках з'явіліся здагадкі, што праца можа знаходзіцца на вуліцы ў Марселі, на поўдні Францыі.
Брытанская радыёстанцыя LBC мяркуе, што цытата Бэнксі можа быць з песні кантры-гурта Lonestar з Тэнэсі пад назвай «Softly», у якой гаворыцца: «Я хачу быць тым, каго вы ўбачылі ўва мне. Я хачу кахаць цябе так, як ты кахаеш мяне».
За мінулы год брыстальскі мастак, які застаецца ананімным, стварыў у Лондане некалькі твораў на тэму жывёл.
У снежні 2024 года Бэнксі стварыў твор з выявай Мадонны з немаўлём, выкарыстоўваючы іржавую трубу, якая тырчыць са сцяны і такім чынам ёсць алюзія на агнястрэльнае раненне ў грудзях Дзевы Марыі.
Бэнксі вядомы сваімі сатырычнымі графіці, якія даследуюць палітычныя і сацыяльныя тэмы. У сваіх працах ён часта крытыкуе капіталізм, вайну і пагаршэнне стану навакольнага асяроддзя. Працы дасягаюць вельмі высокіх цэн на аўкцыёнах — у сакавіку твор «Таксічны пляж» быў прададзены за 4,3 мільёна фунтаў стэрлінгаў (больш за 21 мільён злотых).
PAP/вх