Кітай уводзіць абмежаванні на пастаўкі медыцынскага абсталявання з ЕС

Гэта адказ кітайскіх уладаў на падобныя абмежаванні ўведзеныя Бруселем у мінулым месяцы.

Здымак мае ілюстрацыйны характар.

pixabay.com/Pixabay License

Кітай уводзіць абмежаванні на пастаўкі медыцынскага абсталявання з Еўрасаюза. Гэта адказ Пекіна на падобныя абмежаванні ў дачыненні да кітайскіх вытворцаў, абвешчаныя Бруселем у мінулым месяцы.

Згодна з новымі правіламі, калі кошт медыцынскага абсталявання ў рамках дзяржаўнай закупкі перавышае эквівалент 6 мільёнаў долараў ЗША, кітайскія кампаніі не змогуць набыць яго ў вытворцы з Еўрапейскага Саюза. Абмежаванні не распаўсюджваюцца на фабрыкі еўрапейскіх кампаній на тэрыторыі Кітая.

У мінулым месяцы Еўрапейская камісія забараніла кітайскім вытворцам удзельнічаць у тэндэрах ЕС на пастаўку медыцынскага абсталявання агульным коштам заказаў, які перавышае 60 мільярдаў еўра ў год. Паводле Бруселя, еўрапейскія вытворцы дыскрымінуюцца на кітайскіх тэндэрах.

Рашэнне Пекіна – гэта чарговы этап абмежаванняў на ўзаемны гандаль паміж Кітаем і ЕС, ініцыяваны ўвядзеннем дадатковых тарыфаў на кітайскія электрамабілі ў Еўрасаюзе.

Кітайскія ўлады абвясцілі аб 35-працэнтных тарыфах на французскі каньяк і брэндзі.

Хутчэй за ўсё, чарговы ўдар можа панесці еўрапейскі малочны сектар. Пекін праводзіць антыдэмпінгавае расследаванне адносна субсідый ЕС на малако, якія супярэчаць правілам свабоднага гандлю.

IAR/аз