Лівіт падкрэсліла журналістам, што прэзідэнт Дональд Трамп задаволены вынікам удараў і што напады будуць працягвацца. Усяго з пачатку верасня ў выніку 21 нападу на лодкі загінула не менш за 83 чалавекі.
«Мы лічым рэжым Мадура нелегітымным, і прэзідэнт ЗША вельмі задаволены паспяховымі нападамі на наркатэрарыстаў, замежных тэрарыстаў, якія незаконна ўвозяць наркотыкі ў ЗША. Ён гэтага не пацерпіць. Чакаецца, што гэтыя атакі будуць працягвацца», – сказала яна.
У панядзелак Axios паведаміла са спасылкай на крыніцы, што прэзідэнт ЗША сказаў сваім памочнікам, што гатовы да прамой размовы з Мадура. Пакуль што няма вызначанай даты для патэнцыйнай размовы, якая ўсё яшчэ знаходзіцца на стадыі планавання.
«Ніхто не плануе ўвайсці і застрэліць яго ці выкрасці на дадзены момант. Я не магу сказаць ніколі, але гэта не план прама зараз, – сказаў урадавы чыноўнік, знаёмы з перамовамі. – Тым часам мы падрываем лодкі з наркотыкамі. Мы спынім кантрабанду наркотыкаў», – дадала крыніца.
У той жа дзень Дзяржаўны дэпартамент ЗША прызнаў венесуэльскі «Cartel de los Soles» («Картэль сонцаў») тэрарыстычнай арганізацыяй. Паводле звестак чыноўнікаў Вашынгтона, сярод яе членаў ёсць высокапастаўленыя чыноўнікі ўрада Венесуэлы, а групу, мяркуецца, узначальвае лідар краіны Нікалас Мадура. Каракас катэгарычна адмаўляе гэтыя абвінавачванні і сцвярджае, што абвінавачванні ва ўдзеле ў незаконным абароце наркотыкаў з'яўляюцца падставай для гвалтоўнай змены ўрада ў Венесуэле і захопу кантролю над венесуэльскімі нафтавымі радовішчамі.
У суботу агенцтва Reuters паведаміла, што ЗША гатовыя ў бліжэйшыя дні пачаць новы этап антынаркатычных аперацый у Карыбскім басейне, у тым ліку ля ўзбярэжжа Венесуэлы.
ав