Традыцыя іх стварэння бярэ свой пачатак з часоў Габсбургскай манархіі, калі імператар Іосіф II забараніў выстаўляць батлейкі ў цэрквах Чэхіі. У той час гэтае рамяство дайшло да дамоў бедных і стала пастаянным элементам народнай культуры.
«У Чэхіі ў нас ёсць глыбокая традыцыя стварэння батлеек дома, — распавёў Польскаму радыё чэшскі майстар батлеек Уладзімір Гласер. — Такая батлейка не абавязкова павінна адпавядаць строгім царкоўным правілам, таму некаторыя людзі размяшчаюць фігуркі сваіх суседзяў у стайні, побач з бліжэйшымі дамамі, гарамі ці лесам за акном».
«У нашы дні большасць чэхаў абвяшчаюць сябе няверуючымі, што не змяняе таго факту, што многія ствараюць уласныя батлейкі або наведваюць выставы. Гэта таксама вынікае з любові да казак, і гісторыя батлейкі — адна з такіх казак. Нягледзячы на тое, што яна мае канкрэтныя асновы, у фальклорным плане батлейка мае казачны характар», — падкрэслівае Уладзімір Гласер.
Адну з шматлікіх выстаў батлейкі можна паглядзець да 4 студзеня ў бенедыктынскім манастыры ў пражскім Брэўнаве. На выставе прадстаўлены працы шасцідзесяці майстроў, у тым ліку самая высокая перасоўная батлейка ў Чэхіі вышынёй 333 сантыметры.
IAR/вх