НАТА можа разгарнуць дадатковыя сілы ў Літве, калі пагроза расійскіх правакацый прывядзе да крытычнай сітуацыі з бяспекай у рэгіёне, заявіў дарадца прэзідэнта Літвы Дэйвідас Матулёніс.
Выступаючы на радыё Zhiniu Radijas, ён папярэдзіў, што расійскія правакацыі могуць уключаць як аперацыі пад чужым сцягам, так і акты дыверсіяў. Аднак Матулёніс падкрэсліў, што на дадзены момант няма інфармацыі аб падрыхтоўцы Расіі да ваеннага ўварвання ў любую з краін НАТА.
Ён дадаў, што дадатковыя сілы, якія Альянс можа разгарнуць у Літве, будуць таксама ўключаць сістэмы супрацьпаветранай абароны. Дарадца прэзідэнта Літвы таксама падкрэсліў, што расійскіх нападаў можна пазбегнуць, і што службы бяспекі робяць усё магчымае, каб перадухіліць такія інцыдэнты ў Літве.
Міністр замежных спраў Польшчы Радаслаў Сікорскі некалькі дзён таму абвясціў, што Расія можа правесці аперацыю пад чужым сцягам як правакацыю. Прэзідэнт Літвы Гітанас Наўседа, спасылаючыся на разведвальныя дадзеныя, заявіў, што Масква можа рыхтаваць правакацыі, накіраваныя на краіны Балтыі або Польшчу.
Паводле звестак літоўскіх уладаў, патэнцыйнымі мішэнямі могуць стаць аб'екты крытычна важнай інфраструктуры.
ПР/юл