Каля 400 турыстаў зніклі без вестак пасля раптоўнай паводкі на мяжы Непала і Тыбету. Сярод тых, хто знаходзіцца ў вышуку, як мінімум, 291 замежнік.
Міністэрства замежных спраў Польшчы правярае, ці сярод ахвяраў знаходзяцца грамадзяне Польшчы.
У выніку паводкі загінулі прынамсі 22 чалавекі, а ўлады на кітайскім баку мяжы паведамляюць пра «сур'ёзныя чалавечыя страты».
Сярод зніклых без вестак больш за 100 грамадзян Індыі, 17 — Малайзіі і 12 — Вялікабрытаніі. Таксама шукаюць грамадзян ЗША, Паўднёвай Карэі, Аўстраліі, Паўднёвай Афрыкі і Нідэрландаў. Большасць турыстаў накіроўвалася ў месца паломніцтва ў Тыбеце.
Паводка разбурыла дамы, дарогі, масты і гідраэлектрастанцыі. Выратавальныя верталёты не могуць прызямліцца ў некаторых горных гарадах.
Паводле папярэдняй інфармацыі непальскіх уладаў, землятрус мoг справакаваць апоўзні, якія перакрылі раку Бхотэ-Кошы, што прывяло да паводкі. Аднак прычына катастрофы не пацверджана.
Папярэджанні аб паводцы былі абвешчаны і на поўначы Індыі.
IAR/аз