Кая Калас паведаміла, што Украіна губляе каля 60 мільёнаў еўра ў дзень ад экспартных даходаў, нягледзячы на тое, што з'яўляецца адным з найбуйнейшых экспарцёраў сельскагаспадарчай прадукцыі ў свеце. На яе долю прыпадае 15% сусветнага экспарту кукурузы, 10% пшаніцы, 15-20% ячменю і 50% сусветнага экспарту сланечнікавага алею.
— Каля 90% гэтых тавараў транспартуецца праз чарнаморскі калідор — гэта найважнейшы маршрут для ўкраінскага збожжа на міжнародныя рынкі. Расія наўмысна выкарыстоўвае прадукты харчавання як зброю і падрывае глабальную харчовую бяспеку, асабліва ў Афрыцы, Азіі і на Блізкім Усходзе. Дзеянні Расіі перашкаджаюць дастаўцы прадуктаў харчавання па ўсім свеце і патрабуюць рашучага і адзінага еўрапейскага адказу, — заявіла кіраўніца знешняй палітыкі ЕС.
Сярод мер падтрымкі Украіны яна згадала дапамогу ў дастаўцы прадуктаў харчавання на сусветныя рынкі. Яна таксама распавяла пра ўмацаванне бяспекі ў Чорным моры. Яна падкрэсліла вырашальную важнасць ранняга выяўлення і абмену інфармацыяй, а таксама развіцця еўрапейскіх абаронных і супрацьдронавых магчымасцяў.
Адносна Расіі старшыня Еўрапейскай камісіі заявіла пра захаванне пастаяннага ціску на яе. На сённяшні дзень ЕС увёў 21 пакет санкцый супраць Расіі. На мінулым тыдні старшыня Еўракамісіі абвясціла аб працы над 22-м абмежавальным пакетам, каб прымусіць Пуціна спыніць вайну і пачаць перамовы.
ПР/юл