На працягу наступных двух дзён (4-5 лістапада) Славакія будзе сталіцай Вышаградскай групы і месцам правядзення дыскусій аб будучыні Цэнтральнай Еўропы. У саміце Вышаградскай групы ў Славакіі прымае ўдзел прэзідэнт Караль Наўроцкі.
Да лідараў Польшчы, Чэхіі, Славакіі і Венгрыі далучыцца старшыня Еўрапейскай камісіі.
Паводле прадстаўнікоў адміністрацыі прэзідэнта Славакіі, мэта саміту — умацаваць рэгіянальнае супрацоўніцтва і даць Вышаградскай групе больш моцны голас у пытаннях, якія закранаюць усю Еўропу.
Сярод тэм парадку дня — энергетычная бяспека і канкурэнтаздольнасць эканомікі ЕС. Чакаецца таксама, што прэзідэнты абмяркуюць пашырэнне Еўрапейскага Саюза і сітуацыю ва Украіне.
У рамках дыскусіі аб эканамічнай будучыні рэгіёна сёння (4 лістапада) лідары разгледзяць рэкамендацыі кіраўнікоў цэнтральных банкаў і генсакратара АЭСР (Арганізацыя эканамічнага супрацоўніцтва і развіцця). Заўтра (5 лістапада) адбудуцца асноўныя перамовы з удзелам дэлегацый.
IAR/аз