Палітык выказаў здагадку, што пагадненне можа распаўсюджвацца на ўсю Еўропу.
— Расія і Украіна, я думаю, упершыню хочуць дасягнуць пагаднення. У нас праводзяцца сустрэчы. Сёння ў мяне былі тэлефонныя размовы. Я буду размаўляць заўтра, — сказаў Трамп журналістам пасля прызямлення ў Палм-Біч, куды ён прыляцеў на выхадныя. — Я думаю, што гэта будзе вельмі значнае пагадненне. Я думаю, што яно ахопіць усю Еўропу, — сказаў палітык. Трамп дадаў, што ў пятніцу ў гэтым пытанні быў дасягнуты значны прагрэс.
У чацвер пасланнік прэзідэнта Джарэд Кушнер абвясціў, што ЗША правялі «плённыя і прадметныя» перамовы ў Бруселі з Украінай, НАТА і еўрапейскімі партнёрамі аб гарантыях бяспекі для Кіева і больш шырокай еўрапейскай архітэктуры бяспекі.
Кушнер дадаў, што мэта ЗША — «вырашыць праблемы бяспекі ўсіх бакоў праз практычныя, узаемна ўзгодненыя рашэнні, якія знізяць рызыку чарговага канфлікту».
У пятніцу член украінскай перамоўнай групы Давід Арахамія заявіў, што новы падыход амерыканскіх перамоўнікаў прадугледжвае адыход ад засяроджвання ўвагі на «невырашальным» пытанні Данбасу, замест гэтага засяроджваецца на больш шырокай пасляваеннай архітэктуры бяспекі ў Еўропе, каб заахвоціць расейцаў пайсці на саступкі.
У сваю чаргу, міністр замежных спраў Польшчы Радаслаў Сікорскі пасля сустрэчы з міністрам замежных спраў Украіны і міністрам замежных спраў ЕС Каяй Калас заявіў, што, хоць ён і падтрымлівае ўсе ініцыятывы, накіраваныя на спыненне вайны, важна захаваць правільны парадак: спачатку спыненне агню, потым перамовы аб трывалым міры, і толькі потым, магчыма, перамовы аб тым, як аднавіць функцыянаванне архітэктуры бяспекі ў Еўропе і, магчыма, як аднавіць рэжымы кантролю над узбраеннямі.
PAP/юл