З пачатку пратэстаў пацярпелі каля 300 настаўнікаў, і сітуацыя апошнім часам становіцца ўсё больш напружанай. Крыху больш за адзін працэнт сярэдніх школ краіны сёння (10 лістапада) заблакаваны — значна менш, чым у апошнія тыдні, але інцыдэнты становяцца ўсё больш жорсткімі.
Сёння раніцай у Экс-ан-Правансе, на поўдні краіны, была падпалена сярэдняя школа. Пашкоджана каля 40 класаў. Інцыдэнт у Шэлі, недалёка ад Парыжа, таксама выклікаў абурэнне. На мясцовую дэпутатку, якая спрабавала перашкодзіць вучням падпаліць смеццевы бак перад школай, напалі з бутэлькай напоўненай бензінам. Учора (9 лістапада) у тым жа горадзе вучні запусцілі феерверк у школе, параніўшы шэсць чалавек. Падобныя інцыдэнты адбыліся ў многіх іншых школах па ўсёй краіне.
— Ці павінен хтосьці памерці, каб гвалт спыніўся? Хопіць! Гэта не можа працягвацца. Дзяржава павінна прыняць адпаведныя меры, — заклікаюць кіраўнікі рэгіянальных уладаў.
— Гэта ўжо не пратэсты старшакласнікаў, а беспарадкі, — заявіў міністр унутраных спраў Ларан Нуньес і абяцаў рашучы адказ.
Лідары пратэстаў адмаўляюцца асуджаць гвалт і заклікаюць да працягу блакад, патрабуючы павелічэння фінансавання адукацыі.
ав