Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Польскія эмігранты ў Вялікабрытаніі падтрымліваюць збор сродкаў для брытанца, параненага падчас страляніны ў Кракаве

16.11.2026 11:00
Грошы пойдуць на яго транспарт у Вялікабрытанію, далейшае лячэнне і рэабілітацыю, у тым ліку псіхалагічную падтрымку.
Лондан mathewbrowne/Pixabay/CC0

Ужо больш за 19 000 фунтаў стэрлінгаў сабрана на дапамогу 19-гадоваму брытанцу, параненаму ў Кракаве. Збор сродкаў у Вялікабрытаніі арганізавала маці Гары Марчанта.

Арганізатары спадзяюцца сабраць 22 000 фунтаў стэрлінгаў. Грошы пойдуць на транспарт юнака ў Вялікабрытанію, далейшае лячэнне і рэабілітацыю, у тым ліку псіхалагічную падтрымку.

У акцыю актыўна ўключыліся таксама палякі ў Вялікабрытаніі.

— Мне вельмі шкада, што нешта падобнае здарылася з Гары ў нашай краіне. Я ахвяраваў дзесяць фунтаў. Гэта няшмат, але можа дапамагчы яму вярнуцца дадому. Сярод ахвярадаўцаў я бачыў шмат польскіх прозвішчаў, і гэта мяне радуе. Я хачу, каб яго сям'я ведала, што яна мае нашу падтрымку, — сказаў Польскаму радыё Марэк.

Паводле сямʼі, стан Гары стабільны, але падлетак усё яшчэ патрабуе лячэння ў бальніцы. Ён вернецца дадому, калі лекары палічаць падарожжа бяспечным для яго здароўя. З-за яго траўмаў, верагодна, спатрэбіцца наземны транспарт.

Гары Марчант быў паранены ў выніку страляніны, якая адбылася 7 лістапада ў цэнтры Кракава. У выніку страляніны загінулі шэсць чалавек, у тым ліку яшчэ адзін брытанец, 32-гадовы Джэймс Кэмпбэл з Шатландыі, а 15 чалавек атрымалі раненні.

IAR/аз