Урад Польшчы прасоўвае і рэалізуе ідэю дапамогі на месцы, то бок дзеянняў, якія з'яўляюцца доказам павагі да культуры і рэлігіі тых, хто мае патрэбу ў дапамозе. Такую філасофію гуманітарнай дапамогі ахвярам канфліктаў прадставіў у Вашынгтоне польскі міністр па справах гуманітарнай дапамогі Міхал Вось (Michał Woś).
Прадстаўнік польскага ўраду прымае ўдзел у міністэрскай канферэнцыі па пытаннях свабоды веравызнання, якую арганізаваў Дзярждэпартамент ЗША.
Міхал Вось: Запрашэнне для Польшчы і тое, што мы можам прадставіць свае дзеянні і праекты, гэта для нас вялікі гонар. Гэта таксама доказ пашаны польскай філасофіі, якая зводзіцца да дапамогі на месцы канфлікту i з выкарыстаннем няўрадавых арганізацыяў, якія выдатна зарыентаваныя ў дадзеным рэгіёне і сітуацыі.
Міхал Вось пераконвае, што дзякуючы гэткай форме дапамогі ахвярам канфліктаў лягчэй захаваць сваю культуру і самасвядомасць.
Міністр нагадаў, што ў мінулым годзе Польшча выдзеліла на гуманітарную дапамогу больш за 2 мільярды 800 мільёнаў долараў.
Міхал Вось: Мы хочам, каб кожная залатоўка была выдадзеная як найбольш эфектыўна. Дапамога на месцы й супраца з няўрадавымі арганізацыямі і касцёламі прычыняюцца да павелічэння гэтай эфектыўнасці.
У трохдзённай канферэнцыі ў Вашынгтоне прымае ўдзел больш за 100 дэлегацый з усяго свету. Апрача міністра Вося ў мерапрыемстве прыме ўдзел таксама кіраўнік польскай дыпламатыі Яцэк Чапутовіч (Jacek Czaputowicz).
аз