Беларуская Служба

Кудова-Здруй - знакаміты санаторый у Клодскай катлавіне (ФОТА)

06.12.2019 16:17
Курортныя, ландшафтныя і гістарычныя каштоўнасці прыцягваюць у Кудову шматлікіх турыстаў.
Аўдыё
  • Курортныя, ландшафтныя і гістарычныя каштоўнасці прыцягваюць у Кудову шматлікіх турыстаў.
-. Photo: Anna ZadrożnaSekcja Białoruska PRdZ
Кудова-Здруй. Photo: Anna Zadrożna/Sekcja Białoruska PRdZPhoto: Anna Zadrożna/Sekcja Białoruska PRdZ

Сёння я запрашаю ў Кудову-Здруй (Kudowa-Zdrój) – курортны гарадок, размешчаны на поўдні Польшчы, на захад ад Клодзка (Kłodzko). Кудова размешчана на горнай рацэ Быстра (Bystra) ў даліне на мяжы Арліцкага пагор'я (Pogórze Orlickie) і Сталовых гораў (Góry Stołowe). Гэта самы прывабны турыстычны цэнтр у рэгіёне, а добраму адпачынку тут спрыяюць таксама крыніцы натуральных мінеральных водаў.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Перад усім чароўнасць Кудовы – гэта ейнае распалажэнне на паўднёвых схілах навакольных гораў. Геаграфічнае становішча стварае цудоўныя ландшафтныя ўмовы, а таксама прычыняецца да таго, што клімат гарадка больш лагодны, чым іншых населеных пунктаў Клодскай катлавіны.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Гарадок з'яўляецца турыстычнай базай для ўсяго рэгіёну Сталовых гораў і навакольных мясцінаў, такіх як Паланіца-Здруй (Polanica Zdrój), Клодзка (Kłodzko), а нават чэшская Прага.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Першая згадка пра вёску, якая пазней пераўтварылася ў горад, паходзіць з 1354 году. Вёска размяшчалася на тэрыторыі этнічнай Чэхіі і называлася Ліпалітаў (Lipolitov), а потым Худоба (Chudoba). Паводле мясцовых жартаў, гэтая назва (па-польску: беднасць) адлюстроўвала матэрыяльны статус жыхароў.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

У XVII стагоддзі ў гарадку былі выяўлены крыніцы лячэбных вод з рознымі хімічнымі складамі. У сярэдзіне XIX стагоддзя Кудова-Здруй была прызнаная першым кардыялагічным курортам Германіі. Дадатковы імпульс да ператварэння звычайнага горнага гарадка ў курорт дало адкрыццё ў 1905 годзе чыгуначнай лініі Клодзка-Кудова-Чэхія.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

У выніку Другой сусветнай вайны паміж Польшча і Чэхаславакіяй разгарэлася памежная спрэчка ў тым ліку з-за Кудовы. Канчаткова горад увайшоў у склад польскай дзяржавы, а яго нямецкае насельніцтва было дэпартаванае ў Германію. У той жа час, у 1945 годзе Кудова атрымала гарадскія правы, а ў 1946 годзе - сваю цяперашнюю назву.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Самая вялікая славутасць Кудовы - гэта Капліца чэрапаў у Чэрмай (Czermna), то бок у адным з раёнаў Кудовы. Гэта адна з трох у Еўропе капліцаў, абкладзеных чэрапамі людзей, якія загінулі падчас Трыццацігадовай вайны і чумы. Гэта незвычайнае і крыху страшнае месца.

Іншыя славутасці Кудовы звязаныя з гістарычнай архітэктурнай горада, на якую велізарны ўплыў аказалі будынкі санаторыяў, частка з якіх узнікла ўжо ў XVIII стагоддзі.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Гістарычны Курортны парк Кудовы займае больш за 13 гектараў. Ён быў заснаваны баронам фон Штыльфрыдам (von Stillfried) у 1787 годзе на месцы крыніцаў мінеральных водаў ля падножжа Паркавай гары. Цяпер у Кудове тры крыніцы мінеральных водаў. Курортны парк спраектаваны па ўзоры англійскіх паркаў.


Гістарычны Курортны парк Кудовы. Photo: Anna Zadrożna/Sekcja Białoruska PRdZ Гістарычны Курортны парк Кудовы. Photo: Anna Zadrożna/Sekcja Białoruska PRdZ

Манументальны будынак з бюветам (адмыслова ўладкаваным для піцця крынічанй вады месцам) быў пабудаваны на пачатку XX-га стагоддзя і ўтрымлівае элементы стыляў абарока і мадэрн. Ён спалучаны з вялікай, адкрытай, жалезнай канструкцыяй для шпацыраў, пад якой праходзіць галоўная паркавая алея. Інтэр'ер залы з бюветам упрыгожаны жывапісам венгерскага мастака Арпада Мольнара (Arpad Molnar). Малюнкі паказваюць старую Кудову і наогул Ніжную Сілезію пачатку XX стагоддзя.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Курортны парк складаецца са шматлікіх мясцовых і экзатычных відаў дрэў, у тым ліку расліны паходзяць з Паўночнай Амерыкі і Блізкага Усходу. Разнастайнасць парку падкрэсліваюць рэдкія дэкаратыўныя гатункі дрэў і кустоў. Тут можна знайсці шмат каштоўных асобнікаў са статусам помніка прыроды. Упрыгожваннем парку ў летнім сезоне з'яўляюцца цудоўныя пальмы, размешчаныя ўздоўж галоўнай алеі, якая вядзе да сажалкі.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Кудова-Здруй- гэта зручная адпраўная кропка для аднадзённых экскурсіяў па Сталовых горах і па Клодскай катлавіне. Праз гарадок праходзяць шматлікія папулярныя турыстычныя маршруты.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Дзякуючы добрай турыстычнай інфраструктуры Кудова-Здруй прымае турыстаў на працягу ўсяго года. У гарадку апрача шматлікіх санаторыяў, дзейнічаюць таксама пансіянаты і гатэлі. Курортны дом з бюветам адкрыты круглы год, падобным чынам, як спартыўныя, забаўляльныя, культурныя аб’екты гарадка.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

У Кудове штогод адбываецца Фестываль музыкі Станіслава Манюшкі – ураджэнца Беларусі стваральніка польскай нацыянальнай оперы.


Кудова-Здруй. Photo: Anna Zadrożna/Sekcja Białoruska PRdZ Кудова-Здруй. Photo: Anna Zadrożna/Sekcja Białoruska PRdZ

Анна Задрожна

Больш на гэтую тэму: Запрашаем у Польшчу