У малацэ кормячых маці, якія былі вакцынаваны супраць SARS-CoV-2, ёсць вялікая колькасць антыцелаў, якія могуць абараніць дзіця ад хваробы, гэта пацвердзілі даследаванні, праведзеныя ў Фларыдскім універсітэце. Вынікі даследаванняў былі апублікаваны ў часопісе Breastfeeding Medicine.
«Наяўнасць антыцелаў у малацэ сведчыць аб тым, што вакцынаваныя жанчыны могуць перадаць імунітэт свайму дзіцяці», – сказаў адзін з аўтараў даследавання мікрабіёлаг з Фларыдскага ўніверсітэта Джозэф Ларкін.
Вынікі даследаванняў настойліва паказваюць, што вакцынацыя можа дапамагчы як маці, так і дзіцяці, пераконваюць навукоўцы.
Цяпер навукоўцы працягваюць свае даследаванні. Яны хочуць даведацца больш пра працэс, з дапамогай якога дзіця абараняецца, спажываючы малако маці з антыцеламі супраць SARS-CoV-2. Яны хацелі б даведацца, напрыклад, ці дзеці, якія спажываюць малако маці з антыцеламі, могуць выпрацаваць уласны імунітэт супраць COVID-19.
«Акрамя таго, мы хацелі б даведацца больш пра антыцелы, напрыклад, як доўга яны знаходзяцца ў грудным малацэ і наколькі эфектыўна яны нейтралізуюць вірус», – кажуць даследчыкі.
PAP/аз