Амаль 140 тысяч вучняў распачалі новы школьны год на Падляшшы. З іх каля 3 тысяч – грамадзяне Беларусі. Пераважная большасць вучыцца ў дзяржаўных навучальных установах, некаторыя ж пайшлі ў прыватныя школы. Маці аднаго з вучняў Недзяржаўнай праваслаўнай школы імя святых Кірыла і Мяфодзія ў Беластоку сказала, што школа ў Польшчы моцна адрозніваецца ад школ у Беларусі.
Нягледзячы на тое, што афіцыйным органам, які адказвае за школу, з’яўляецца няўрадавая арганізацыя «Праваслаўнае брацтва святых Кірыла і Мяфодзія», праграма навучання ў школе не адрозніваецца ад дзяржаўных школ, за якія адказваюць органы мясцовага самакіравання. У школе каля 100 дзяцей удзельнічаюць у занятках па беларускай мове, пры гэтым кіраўніцтва школы дазваляе прымаць удзел у гэтых занятках і дзецям з Беларусі.
Навучанне ў праваслаўнай школе імя святых Кірыла і Мяфодзія ў Беластоку платнае: месяц каштуе 600 злотых (140 еўра).
З маці вучня праваслаўнай школы імя святых Кірыла і Мяфодзія ў Беластоку гутарыў Зміцер Косцін.
слухайце аўдыёфайл
