«Вам недастаткова чытаць інфармацыю на гэтую тэму, мяняць штодзённыя звычкі, падпісваць петыцыі, і вы хацелі б зрабіць нешта большае? Вы адчуваеце, што ў вас ёсць патэнцыял быць актывістам, але вы не ведаеце, з чаго пачаць? Ці, можа быць, вы ўжо дзейнічаеце на карысць клімату і хочаце зрабіць гэта лепш? Калі вам трэба набыць надзейныя веды і навыкі, як імі карыстацца, далучайцеся да «Захавальнікаў клімату», - чытаем на старонцы таварыства «Майстэрня на карысць усіх істот».
Катажына Вікера з таварыства на хвалі Польскага радыё тлумачыла, хто такія захавальнікі клімату:
- Захавальнік клімату – гэта найперш паўнагадовы чалавек. Нашая адукацыя і арганізаваныя курсы прымеркаваныя дарослым. Гаворыцца пра кліматычную адукацыю, а нават і ў больш шырокім сэнсе, прыродаахоўную і экалагічную адукацыю, бо ўсё абсалютна ўзаемазвязана. Прырода нам дапамагае. Чым больш у нас будзе лясоў са старымі дрэвамі, чым больш у нас будзе балот, тым мы больш бяспечныя з пункту гледжання клімату. Гэтыя дрэвы і балоты абараняюць нас, складзіруючы празмерныя выкіды парніковых газаў, якія, на жаль, мы ўвесь час выкідваем у атмасферу. У нас ёсць захавальнікі клімату, ёсць захавальнікі прыроды. Гэта грамадскія актывісты, гэта лідары грамадзянскай супольнасці, якія прыходзяць да нас на курсы і вучацца.
Гэта адзіны ў Польшчы трэнінг у галіне грамадзянскай адукацыі комплекснай падрыхтоўкі людзей, якія жадаюць самастойна праводзіць кампаніі па барацьбе з кліматычным крызісам і спусташэннем прыроды.
У «Майстэрні на карысць усіх істот» адзначаюць, што гэтае дзесяцігоддзе з'яўляецца вырашальным для скарачэння выкідаў парніковых газаў і спынення самых сур'ёзных наступстваў кліматычнай катастрофы.
Здабытыя веды актывісты прымяняюць у сваіх лакальных супольнасцях:
- Захавальнік клімату ўзброены толькі і выключна ведамі. Ён валодае перш за ўсё ведамі аб тым, у якія ўстановы ён можа звяртацца з экалагічнымі праблемамі, як прыцягваць увагу СМІ да розных праблем, каб супрацьстаяць ім. Няма службовай формы, ёсць веды, уменне задаваць пытанні. Гэта сур'ёзная зброя. Гэта веды, але таксама магчымасць выказацца і сказаць: я бачу, што адбываецца, я бачу, што вы робіце ў маёй гміне, у маім горадзе, і я на гэта не згаджаюся. Мне неабыякавы лёс гэтай ракі, гэтага дрэва. Мы дзелімся гэтымі ведамі, аб'ядноўваем людзей, якія займаюцца гэтай дзейнасцю і абараняюць гэтую прыроду лакальна ў сваіх месцах, каб яны маглі ўмацоўваць адзін аднаго, інтэгравацца і абменьвацца ведамі аб тым, як зрабіць гэта лепш і найбольш эфектыўна. Наш падыход заключаецца ў тым, каб падзяліцца цэлым шэрагам розных метадаў працы. Гэта не толькі юрыдычныя веды, але і веды пра тое, як пісаць прэс-рэлізы, як пісаць лісты, да каго звярнуцца, як зрабіць так, каб пра справу было гучна, як усё арганізаваць, - гаворыць Катажына Вікера.
Такі курс адбываецца на працягу трох выходных у гарах Бескідах. Госця Польскага радыё кажа, што для іх важна, каб удзельнікі маглі падчас навучання быць на прыродзе:
- Для нас важная матывацыя. Грамадскія актывісты часта адчуваюць выгаранне і расчараванне, калі бачаць, што вакол нас адбываюцца дрэнныя рэчы. Мы ідзём у лес і дзелімся глыбокай экалогіяй. Гэта філасофія, якая суправаджае нас у нашай працы і таксама ўмацоўвае нас.
Захавальнікі клімату падкрэсліваюць: нават на тое, на што сёння здаецца немагчыма ўплываць, трэба хаця б спрабаваць гэта зрабіць. І гэта роля ахоўнікаў клімату, якія павінны быць лідарамі ў прасоўванні змен у сваіх супольнасцях.
І на завяршэнне. Курс цалкам бясплатны. Уся патрэбная інфармацыя тут.
слухайце аўдыё
ав