Больш за тое, яна амаль цалкам кладзецца на плечы няўрадавых арганізацыяў. У гэтым перакананая наша сённяшняя госця – Каміла Гульбіцка з фонду Viva! Эксперта пераконвае, што маштаб бяздомнасці сабак і катоў у Польшчы – вялікі:
- Маштабы бяздомнасці жывёл у Польшчы велізарныя. Мы гэта ведаем, бо ў снежні 2024 года была апублікаваная справаздача Вышэйшай кантрольнай палаты (NIK), і гэтая справаздача паказала, што бяздомныя жывёлы - гэта велізарная сацыяльная з'ява. Мяркуецца, што цяпер ёсць каля 950 тысяч такіх жывёл, як сабакі і каты. Яны застаюцца без гаспадара. Гэта бяздомныя жывёлы. Цікава, што дадзеныя галоўнага ветэрынарнага лекара паказваюць, што ў 2023 годзе больш за 117 тысяч жывёл знаходзіліся ў 230 прытулках для жывёлы. Каля 82 тысяч сабак і 35 тысяч катоў. Так што маштабы сапраўды здзіўляюць.
Яшчэ больш трывожныя звесткі паказвае рапарт The State of Pet Homelessness Project, апублікаваны ў маі 2024 года. З яго вынікае, што ў Польшчы жыве больш за 950 тысяч бяздомных сабак і катоў, што складае 7 працэнтаў усіх хатніх жывёл.
З гэтага можна зрабіць выснову, што ў прытулках жыве толькі невялікая частка бяздомнай жывёлы.
Каміла Гульбіцка тлумачыць галоўныя прычыны такога маштабу бяздомнасці жывёл у Польшчы:
- Жывёламі кіруе інстынкт. Калі жывёла не стэрылізаваная і не кастрыраваная, а свабодна бегае па двары, напрыклад, у невялікім горадзе, то такія жывёлы вельмі хутка размнажаюцца. Тады гаспадары не ведаюць, што рабіць з такімі жывёламі, і я лічу, што асноўная праблема — гэта адсутнасць кантролю за размнажэннем. Другая прычына - адсутнасць чыпаў. То бок калі нейкая жывёла губляецца, уцякае, і ў яе няма чыпа, то яе вельмі цяжка знайсці. Калі такая жывёла не была кастрыраваная і не стэрылізаваная, у далейшым яна, вядома, можа размнажацца, і адсюль асноўныя маштабы бяздомнасці. І трэці момант — гэта, канешне, недастатковая адукацыя людзей, якія бяруць хатніх гадаванцаў. Перш за ўсё, на самым пачатку свайго шляху дагляду за жывёламі людзі павінны пазнаёміцца з ідэяй кастрацыі, стэрылізацыі і прыняць свядомае рашэнне.
Без такіх рашучых крокаў, сітуацыя будзе толькі пагаршацца, гаворыць спецыялістка.
Каміля Гульбіцка не бярэцца сказаць, якія прапорцыі падзелу апекі над бяздомнымі жывёламі паміж дзяржавай і грамадскімі арганізацыямі.
Міжнародны фонд руху на карысць жывёл – Viva! на працягу многіх гадоў аказвае рэальную дапамогу жывёлам, якія самі не могуць яе папрасіць. Толькі ў 2024 годзе пад апеку былі ўзятыя 3622 жывёлы – як у Карабевіцкім прытулку, так і ў часовых дамах. Фонд прафінансаваў 5397 ветэрынарных працэдур, у тым ліку 1586 кастрацый.
Актывісты фонду таксама забіраюць жывёл з цяжкіх умоў. Адным з апошніх умяшанняў тычылася сабакі Мелы. У Радаме знайшлі сабаку, зачыненага ў брудным загоне за элегантным домам - у атачэнні бруду, фекаліяў і рэшткаў ежы. Ён не меў нават доступу да вады. Стан жывёлы быў шакавальным. Вушы Мелы былі аблеплены засушанай граззю і фекаліямі агульнай вагой больш за кілаграм. Трэба было галіць усё цела. Дыягназ быў дакладны - рак у позняй стадыі.
Пухліны былі выдалены, і Мела, хоць яе дні былі палічаны, знайшла дом, поўны цяпла і любові. Праз некалькі тыдняў яна памерла, акружаная клопатам і пяшчотай, якіх, магчыма, ніколі раней не адчувала.
ав
слухайце аўдыё