Што прапануе на лета сваім жыхарам i турыстам Гмінны цэнтр культуры ў Гарадку каля польска-беларускай мяжы? І што супольнага з мерапрыемствамі пад адкрытым небам маюць традыцыйныя гаспадарчыя экспанаты?
На вакацыі Гмінны цэнтр культуры ў Гарадку падрыхтаваў для дзяцей шмат чаго цікавага. Гарадоцкі цэнтр арганізуе розныя заняткі: музычныя і спартыўныя, экскурсіі ды супольныя гульні, – кажа Дарота Сульжык з Гміннага цэнтра культуры ў Гарадку.
Сульжык запрашае ў цэнтр як дзяцей, так і дарослых, паколькі на лета запланаваныя многія музычныя мерапрыемствы. Акрамя таго, сёлета ўпершыню адкрываецца «Музейны пакой народнай памяці гміны Гарадок» — ён даступны для ўсіх жадаючых.
«Музейны пакой народнай памяці гміны Гарадок» — гэта месца, дзе турысты і жыхары могуць даведацца пра гісторыю населенага панкта. Многія экспанаты падарылі мясцовыя жыхары, якія дзеля гэтага абшукалі гарышчы і падвалы.
Можна пабачыць інтэр'ер старой хаты. Там шафа, ложак, кухня з печкай ды мноства цікавых рэчаў хатняга выкарыстання. На аматараў гісторыі чакаюць вялікія дошкі з фатаграфіямі і інфармацыяй. У Музейным пакоі праходзяць таксама розныя майстар-класы для дзяцей.
Анна Пятроўская