Больш за 20% еўрапейцаў падвяргаюцца ўздзеянню шкоднага ўзроўню шуму ад транспарту, пра гэта сведчыць справаздача Еўрапейскага агенцтва па ахове навакольнага асяроддзя за 2025 год. У сваю чаргу, згодна з больш строгімі рэкамендацыямі Сусветнай арганізацыі аховы здароўя, гэты працэнт складае больш чым 30%, паведамляе агенцтва PAP.
Найбольш распаўсюджанай крыніцай шуму з'яўляецца аўтамабільны транспарт, уздзеянню якога падвяргаюцца прыблізна 92 мільёны чалавек. Далей ідзе шум чыгуначнага транспарту — 18 мільёнаў чалавек і шум самалётаў — 2,6 мільёна чалавек.
У справаздачы ацэньваецца колькасць людзей у кожнай краіне, якія падвяргаюцца ўздзеянню шкоднага ўзроўню шуму, які перавышае 55 дэцыбел удзень і 50 дэцыбел уначы.
Згодна з дадзенымі, найбольшая колькасць людзей, якія падвяргаюцца ўздзеянню шуму ўдзень, жыве ў Францыі — 24,2 мільёна. Уначы гэтая лічба зніжаецца да 14,5 мільёна. Большасць з іх (больш за 21,2 мільёна) падвяргаюцца ўздзеянню шуму дарожнага руху.
Другой краінай з найбольшай колькасцю людзей, якія падвяргаюцца ўздзеянню шуму, паводле справаздачы Еўрапейскага агенцтва па ахове навакольнага асяроддзя, зʼяўляецца Германія. Там 21,8 мільёна чалавек падвяргаюцца ўздзеянню шуму вышэй за 55 дэцыбел на працягу дня. Найбольшая колькасць з іх — шуму дарожнага руху (17,2 мільёна). У сваю чаргу ажно 852 тысяч немцаў падвяргаюцца ўздзеянню шуму самалётаў, што ў чатыры разы больш, чым у Францыі.
Трэцяй краінай з найбольшай колькасцю людзей, якія падвяргаюцца ўздзеянню шуму, зʼяўляецца Італія. 14,5 мільёна чалавек на працягу дня, у тым ліку 8,9 мільёна — шуму дарожнага руху, 5,3 мільёна — чыгункі і 264 тысяч — шуму самалётаў.
Да краін з найменшай колькасцю людзей, якія падвяргаюцца ўздзеянню шкоднага ўзроўню шуму, адносяцца Мальта (65 тысяч), Ісландыя (102 тысяч), Эстонія (125 тысяч) і Славенія (239 тысяч).
Для параўнання, у Польшчы 5,2 мільёна чалавек падвяргаюцца ўздзеянню шкоднага шуму на працягу дня, у тым ліку 4,5 мільёна — шуму дарожнага руху, 648 тысяч — шуму чыгункі і 79 900 — шуму самалётаў. Уначы колькасць людзей, якія пакутуюць ад шуму ў Польшчы, складае 3,5 мільёна.
аз