Галоўнае статыстычнае ўпраўленне Польшчы паведаміла, што прамысловая вытворчасць у Польшчы за сакавік г.г у параўнанні з сакавіком мінулага году, знізілася на 2,3%.
Эканамістка Уршуля Крыньска з PKO Bank Polski сцвярджае, што вынікі за сакавік супадаюць з прагнозамі і з тым, што адбываецца ў польскай і сусветнай эканоміцы.
- Найбольшае зніжэнне назіраецца ў аўтамабільнай прамысловасці і на вытворчасці мэблі. Гэта тавары народнага спажывання, якія таксама ў значнай меры прадаюцца за мяжу. У цяперашняй сітуацыі не здзіўляе вялікі рост фармацэўтычнай вытворчасці, рост вытворчасць прадуктаў харчавання, хімікаліяў і напояў.
Такім чынам, бачна, што ў Польшчы, але і ў іншых краінах, попыт спажыўцоў на тавары, якія не з'яўляюцца самымі неабходнымі штодня, перастаў расці, – адзначае Крыньска.
- Добра прадаюцца прадукты, хімікаліі, і, зразумела, лекі. Іншыя віды продажу спыніліся ў выніку наступстваў адміністрацыйных рашэнняў і запатрабаванняў пакупнікоў. А калі казаць пра будучыню- што для прамысловай вытворчасці ў макраэканамічных маштабах, ключавое не толькі тое, што адбываецца ў Польшчы, а таксама тое, што адбываецца ў свеце, бо прамысловасць – галіна эканомікі адкрытая на ўвесь свет.
Са студзеня па сакавік г.г. аб'ём прамысловай вытворчасці быў на 1% большы, чым летась за аналагічны перыяд, калі рост склаў 6,1%.
яс