Сапраўдныя зімовыя ўмовы паралізавалі працу школ у некалькіх рэгіёнах Польшчы. Як паведамляе Міністэрства адукацыі, каля 600 навучальных устаноў у чатырох ваяводствах — Куяўска-Паморскім, Любускім, Вялікапольскім і Заходнепаморскім — вымушаныя былі прыпыніць вочныя заняткі або перайсці на дыстанцыйнае навучанне.
Прычынай стала моцная галалёдзіца і складаная сітуацыя на дарогах, праз што многія вучні не змаглі бяспечна дабрацца да школ. Асабліва складаная сітуацыя назіралася ў Вялікапольшчы, дзе заняткі не адбыліся ў 245 школах. Частка ўстаноў адмяніла ўвесь навучальны дзень, іншыя — толькі першыя ўрокі.
Інстытут метэаралогіі і воднай гаспадаркі выдаў папярэджанні I і II ступені для паўночна-ўсходніх рэгіёнаў Польшчы з-за абледзянення дарог, ападкаў і густых туманаў.
iar/эж