З пачатку поўнамаштабнага ўварвання ва Украіну Расія страціла больш за 3600 танкаў і амаль 8000 браняваных машын. Пра гэта паведамляе Міністэрства абароны Вялікабрытаніі.
Згодна з аналітычным дакладам брытанскай разведкі за 17 снежня, з-за значных страт тэхнікі расіяне вымушаныя выкарыстоўваць састарэлую савецкую тэхніку, якая знаходзіцца ў дрэнным стане. Танкі і бранятэхніка дастаюцца са складоў, праходзяць невялікую мадэрнізацыю і накіроўваюцца на фронт.
Разведка таксама адзначае, што запасы ваеннай тэхнікі ў РФ значна скараціліся. Гэта пацвярджаюць аэрафотаздымкі, зробленыя на базах захоўвання тэхнікі ў Арсеньеўе, Буі і Улан-Удэ.
Генеральны сакратар НАТА Марк Рутэ раней заявіў, што агульныя страты РФ і Украіны перавысілі 1 мільён чалавек. Паводле яго слоў, штотыднёвыя страты з абодвух бакоў складаюць больш за 10 тысяч салдат забітымі і параненымі.
Акрамя таго, новаабраны прэзідэнт ЗША Дональд Трамп заявіў, што Расія страціла на вайне 600 тысяч салдат. Ён падкрэсліў неабходнасць пачатку перамоў, каб прадухіліць больш сур'ёзныя наступствы.
Крыніца: УНІАН
нг