Расіяне атакавалі Сумы двума балістычнымі ракетамі. Кіраўнік офіса прэзідэнта Уладзіміра Зяленскага Андрэй Ярмак паведаміў, што яны былі абсталяваныя касетнымі баявымі боепрыпасамі.
«Касетныя боепрыпасы - гэта тое, што расіяне робяць, каб забіць як мага больш мірных жыхароў. Напад на горад Сумы - гэта наўмысны напад на мірных жыхароў», - сказаў ён.
У першай палове дня снарады ўпалі на цэнтр горада, калі людзі вярталіся або ішлі ў царкву на Вербную нядзелю. Шмат людзей было і на бульвары ў цэнтральнай частцы горада.
На кадрах, апублікаваных пасля ўдару, бачныя целы, якія ляжаць на зямлі, падпаленыя аўтамабілі, разбітыя будынкі, знішчаны тралейбус і людзі, якія стаяць на каленях побач з накрытымі трупамі.
Напад на Сумы стаў другім масіраваным нападам Расіі на мірных жыхароў Украіны ў гэтым месяцы. 4 красавіка маскоўскія акупацыйныя войскі выкарысталі балістычную ракету ў Крывым Рогу, у цэнтры краіны, забіўны 19 чалавек, у тым ліку дзевяць дзяцей. 20-я ахвяра гэтага нападу памерла ў шпіталі.
ав