У ноч на 7 чэрвеня расійскія акупацыйныя войскі нанеслі ўдары па Харкаву ракетамі, беспілотнікамі і КАБ. Зафіксаваны трапленні ў жылыя будынкі і грамадзянскае прадпрыемства.
У выніку начнога абстрэлу горада тэрарыстамі пацярпеў 21 чалавек (у тым ліку паўтарамесячнае немаўля і 14-гадовая дзяўчынка). Трое мірных жыхароў Харкава загінулі ад рук расійскай акупацыйнай арміі, паведамляе мэр Харкава Ігар Церахаў.
Расійскае Міністэрства абароны заявіла наступнае: «Сёння ноччу УС Расіі нанесены групавыя ўдары высокадакладнай зброяй вялікай далёкасці і БПЛА па прадпрыемствах ВПК Украіны, цэхах зборкі ўдарных БПЛА, пунктах тэхнічнага абслугоўвання, рамонту ўзбраення і ваеннай тэхнікі, а таксама складах боепрыпасаў УСУ, паведамілі ў Мінабароны. Мэта ўдараў дасягнута».
вх