Гэты герой, улюбёнец крамлёўскіх СМІ, вядомы па ўсёй Расіі. Хоць яго твар да нядаўняга часу суайчыннікі не бачылі. Шчыльна схаваўшы твар пад балаклавай, ён распавядаў на камеры, як трапіў у засаду, як разабраўся з групай нападнікаў — забіўшы іх усіх. Нават выпадкова выратаваў дзяўчынку-сірату з лап нападнікаў, якую ўсынавіў.
«Палач» на камеры распавядаў як ён выцягнуў параненых аператараў беспілотнікаў з падбітай варожай ракетай баявой машыны і вярнуўся, каб забраць беспілотнікі з палаючай машыны. Пры гэтым ён таксама забіў некалькі «бандэраўцаў». Расійскія патрыятычныя СМІ і газеты з гордасцю частавалі гледачоў такімі гісторыямі.
Аднак праўда выплыла на паверхню.
Падпалкоўнік расійскай арміі Канстанцін Фралоў, узнагароджаны ордэнамі «За мужнасць» і «За адвагу», затрыманы і можа атрымаць працяглы тэрмін пазбаўлення волі, нягледзячы на пралітую кроў.
У следстве аказалася, што «Палач» аказваў паслугі сваім калегам з «легендарнай» 83-й асобнай гвардзейскай дэсантна-штурмавой брыгады спецыяльнага прызначэння, страляючы ў іх, наносячы лёгкія раненні, каб яны маглі атрымаць 3000 рублёў, адправіцца на лячэнне і атрымаць ордэн.
Следства ўстанавіла, што гэтай паслугай скарысталіся не менш за 35 салдат, выманіўшы ў дзяржаву 200 мільёнаў рублёў. «Палач»-Фралоў таксама не шкадаваў куль, стрэліўшы ў сябе чатыры разы.
Сёння фальшывага героя асабліва жорстка крытыкуюць «патрыятычныя» карэспандэнты Z, якія самі знаходзяцца на перадавой. Іх гнеў вялікі, бо яны ведаюць, што ў шэрагах расійскай арміі незлічоная колькасць такіх махляроў.
яс