Прэзідэнт Украіны адрэагаваў на заяву Дональда Трампа аб тым, што Зяленскі выкарыстоўвае вайну, каб пазбегнуць правядзення прэзідэнцкіх выбараў у сваёй краіне.
Уладзімір Зяленскі падкрэсліў, што гатовы прызначыць выбары, але павінна быць выканана ўмова іх бяспекі. «Паколькі прэзідэнт ЗША ўздымае гэтае пытанне, я коратка адкажу: я гатовы да выбараў», — падкрэсліў ён, дадаўшы, што таксама просіць Злучаныя Штаты разам з еўрапейцамі дапамагчы забяспечыць бяспеку выбараў, і тады Украіна будзе гатовая правесці іх на працягу 60-90 дзён.
Уладзімір Зяленскі таксама адзначыў, што ўжо ў сераду (10 снежня) ён папросіць украінскіх парламентарыяў падрыхтаваць прапановы па заканадаўчых папраўках, якія дазволяць праводзіць выбары падчас ваеннага становішча.
ПР/юл