Міжнародная арганізацыя «Лекары без межаў» заявіла, што расійскія войскі сістэматычна і наўмысна атакуюць медыцынскія ўстановы і медперсанал ва Украіне. Пра гэта гаворыцца ў новым дакладзе арганізацыі, прысвечаным наступствам вайны для ўкраінскай сістэмы аховы здароўя.
Паводле дадзеных Сусветнай арганізацыі аховы здароўя, з лютага 2022 года да канца 2025 года ва Украіне было зафіксавана 2811 атак на медыцынскія ўстановы. Міністэрства аховы здароўя Украіны паведамляе, што за гэты ж перыяд пашкоджана або знішчана больш за 2500 аб'ектаў медыцынскай інфраструктуры.
Паводле дакладу «Лекараў без межаў», пастаянныя абстрэлы і недахоп медыцынскага персаналу прывялі да рэзкага пагаршэння доступу да медыцынскай дапамогі. У адной з бальніц Херсона, якую падтрымлівае арганізацыя, колькасць урачоў з пачатку поўнамаштабнай вайны скарацілася на дзве траціны.
Арганізацыя заклікала міжнародную супольнасць дамагчыся спынення нападаў на медыцынскія ўстановы, адзначыўшы, што такія дзеянні могуць разглядацца як ваенныя злачынствы.
pap/эж