Спачатку гэта была Масква, потым Санкт-Пецярбург, а цяпер украінскія беспілотнікі нанеслі ўдар па Валгаградзе. Паводле звестак расійскіх незалежных СМІ і ўкраінскіх агенцтваў навін, было знішчана каля 44 000 квадратных метраў складоў. На некаторых аб'ектах узніклі пажары.
Валгаградскі філіял Wildberries абслугоўвае Валгаградскую і Астраханскую вобласці, а таксама некалькі суседніх рэгіёнаў. Кампанія таксама з'яўляецца найбуйнейшым інтэрнэт-рытэйлерам у шэрагу іншых былых савецкіх краін. Акрамя лагістычнага цэнтра ў Валгаградзе, украінскія беспілотнікі таксама нанеслі ўдар па мясцовым нафтаперапрацоўчым заводзе, які належыць карпарацыі «Лукойл».
Паводле звестак украінскай кампаніі Fire Point, лагістычны цэнтр і НПЗ у Валгаградзе былі атакаваныя ўкраінскімі дронамі FP-1.
— Валгаградскі нафтаперапрацоўчы завод — адно з найбуйнейшых нафтаперапрацоўчых прадпрыемстваў у Расійскай Федэрацыі магутнасцю каля 15 мільёнаў тон нафты ў год. Завод вырабляе бензін, дызельнае паліва, авіяцыйнае паліва і іншыя нафтапрадукты, адыгрываючы важную ролю ў паліўным забеспячэнні паўднёвых рэгіёнаў Расіі, — дадаецца ў паведамленні.
Па інфармацыі ўкраінскай кампаніі, праз лагістычны цэнтр Wildberries прадавалі тавары ваеннага і двайнога прызначэння.
IAR/УНІАН/нг