Украінцы не атрымалі амерыканскіх дадзеных аб расійскіх балістычных ракетах, якія атакавалі Кіеў уначы, паведаміў Уладзімір Зяленскі. Ён дадаў, што расіяне запусцілі 16 балістычных ракет па Кіеве і Кіеўскай вобласці, знішчыўшы 10 аб'ектаў энергетычнай інфраструктуры.
Гэта яшчэ адзін падобны інцыдэнт. На мінулым тыдні ўкраінскія ўлады таксама паведамілі пра блакаду дадзеных амерыканскай разведкі перад расійскім ракетным ударам.
Паведамленні прэзідэнта Украіны часткова пацвердзіў прэс-сакратар Ваенна-паветраных сіл Украіны палкоўнік Юрый Ігнат. Ён сказаў, што ўначы адбыліся дзве хвалі расійскіх ракетных удараў па Кіеве. Першы раз ніякай інфармацыі ад амерыканскіх партнёраў не паступала, але другі раз украінцы яе ўжо атрымалі.
Улады ў Кіеве лічаць, што перапынкі ў перадачы разведвальных дадзеных — гэта частка ціску Вашынгтона на ўкраінцаў, каб яны пагадзіліся на неспрыяльныя мірныя перамовы з Расіяй.
IAR/аз