У Польшчы рыхтуюцца да рэферэндума

На агульнанацыянальны рэферэндум будуць вынесены чатыры пытанні, першае агучылі сёння.

Старшыня партыі «Права й справядлівасць» Яраслаў Качынскі называе першае пытанне рэферэндума.

Foto: PAP/Radek Pietruszka

Старшыня кіроўнай партыі «Права й справядлівасць» Яраслаў Качынскі агучыў сёння першае з пытанняў, якія Аб’яднаныя правыя сілы мае намер задаць палякам на агульнанацыянальным рэферэндуме, паведамляе Польскае радыё. Усяго будзе чатыры пытанні.

Яраслаў Качынскі паведаміў сёння, што першым пытаннем на восеньскім рэферэндуме будзе: «Ці падтрымліваеце вы продаж дзяржаўных прадпрыемстваў?».

Аб'яднаныя правыя сілы пачалі сёння а 7.00 на старонцы «Права і справядлівасці» ў Фэйсбуку акцыю па публікацыі пытанняў. У наступныя дні - 12, 13 і 14 жніўня - будуць апублікаваныя ролікі з наступнымі пытаннямі рэферэндуму. Як вынікае з анонсаў «Права й справядлівасці», пэўна, адно з іх будзе тычыцца стаўлення палякаў да прымусовага перасялення мігрантаў.

Прапанову аб прызначэнні ўсенароднага рэферэндуму Сойм павінен разгледзець 17 жніўня падчас дадатковага двухдзённага пасяджэння, якое пачнецца 16 жніўня. Рэферэндум плануецца правесці разам з парламенцкімі выбарамі, прызначанымі прэзідэнтам Анджэем Дудам на 15 кастрычніка.

ПР/юл