Польскае радыё падрыхтавала падкаст «Чарнобыль. Праўдзівая гісторыя». Аўтар падкаста – Раман Чэярэк.
Аповед заснаваны на ўнікальных архіўных запісах Польскага радыё. Сярод іншага, былі выкарыстаны навіны таго часу і сведчанні відавочцаў.
Падкаст расказвае не толькі пра ход падзей 26 красавіка 1986 года, але і тое, як інфармацыя пра катастрофу дайшла да Польшчы, як узнік страх і першапачатковыя ахоўныя меры, у тым ліку ўвядзенне дзецям раствору Люголя.
— Нам удалося дастукацца да людзей, якія гадамі маўчалі, а таксама да тых, хто прысутнічаў у Чарнобылі і быў сведкам наступстваў катастрофы на ўласныя вочы. Гэта вынік шматмесячнай працы, праслухоўвання архіваў, даследаванняў і размоў. Мы хацелі паказаць не толькі факты, але і людскія гісторыі і эмоцыі тых дзён, — падкрэслівае Раман Чэярэк.
— Падкаст «Чарнобыль. Праўдзівая гісторыя» — гэта чарговая пастаноўка ў серыі «Праўдзівая гісторыя». Архівы Польскага радыё — гэта наш вялікі скарб і важная частка нацыянальнай памяці. Выкарыстоўваючы гэтыя матэрыялы, мы выконваем місію грамадскіх СМІ: сістэматызаваць гісторыю, аднаўляць кантэкст падзей і даваць новае жыццё гукам, — падкрэсліў галоўны рэдактар Польскага радыё.
Прэм'ера падкаста 23 красавіка на polskieradio.pl, YouTube Polskie Radio, Spotify, Apple Podcasts і Storytel.
***
«Польскае радыё» — найбуйнейшая грамадская радыёкампанія ў Польшчы. Журналісты рыхтуюць праграмы пра бягучыя падзеі, арыгінальныя музычныя праграмы, навукова-папулярныя праграмы, адукацыйныя, сацыяльныя, забаўляльныя, сямейныя, рэлігійныя праграмы, а таксама радыёпастаноўкі і рэпартажы.
У склад «Польскага радыё» уваходзіць пяць каналаў: Польскае радыё 1 (PR1, Jedynka), Польскае радыё 2 (PR2, Dwójka), Польскае радыё 3 (PR3, Trójka), Польскае радыё 24 (PR24) і Канал замежнага вяшчання Польскага радыё.
Таксама радыёстанцыя транслюе праграмы «Польскага радыё 4», «Польскага радыё для дзяцей», «Польскага радыё імя Шапэна», «Польскага радыё для кіроўцаў» і «Польскага радыё для Украіны» ў інтэрнэце, праз мабільныя праграмы і на DAB+.
Партал polskieradio24.pl штодня публікуе найважнейшыя навіны з Польшчы і свету, а таксама прапануе ўнікальныя спецыяльныя паслугі, архіўныя матэрыялы і мультымедыя.
IAR/яс