Канцэрты будуць праходзіць да 18 верасня кожную нядзелю ў 16.00. Арганізатар і мастацкі кіраўнік фестывалю Пшэмыслаў Капітула падкрэслівае, што праграма фэсту сёлета надзвычай насычаная:
-Фестывальныя канцэрты, якія мы распачалі, гэта вялікае свята арганнай музыкі. Гэта музыка і Яна Себасціяна Баха, польскіх кампазітараў, класічная музыка, музыка рамантызму. Моцарт, Бетховен і Лютаслаўскі. Не ведаю, ці можна да тэмы падысці шырэй. Прапанова вельмі разнастайная.
Пшэмыслаў Капітула дадае, што на фестывалі прымаюць удзел розныя арганісты-віртуозы з Еўропы, якія гарантуюць вельмі высокі мастацкі ўзровень мерапрыемства:
-Выступіць уся Еўропа, розныя арганныя школы, арганісты з разнастайнымі традыцыямі. Яны вучыліся ў розных месцах, таму багаж іх ведаў багаты. Частка з іх вельмі адукаваная, частка – гэта вялікія таленты, якія перамагалі ў конкурсах. Гэта людзі з гэтак званай арганнай сцэны, якія пастаянна ездзяць па свеце, даюць канцэрты. Усе яны будуць у нядзелю ў варшаўскай архікатэдры.
Серыю фестывальных канцэртаў адкрыла ўкраінка Святлана Позднішэва.
ав