Прэм’ера фільма «Тата» адбылася на 47-м Фестывалі польскага кіно ў Гдыні. Рэжысёрскі дэбют Ганны Малішэўскай – гэта гісторыя пра кіроўцу грузавога аўтамабіля Міхала, якому даводзіцца сутыкацца з цяжкасцямі бацькі-адзіночкі. Акрамя таго, яго становішча ўскладняецца, калі ён вымушаны забраць у паездку сваю дачку і яе сяброўку з Украіны.
Ганна Малішэўская гаворыць, што здымала гэты фільм, таму што хацела падняць тэму формы і ролі сучаснай сям'і.
-Мы шмат пачалі гаварыць на тэму бацькоўства, увогуле станаўлення сямʼі ў часе, калі гэтыя семʼі вельмі мяняюцца, бо мяняецца нашае грамадства, эканамічная сітуацыя, мяняюцца стандарты сямʼі. Мы размаўлялі пра тое, ці можна стварыць сямʼю па выбары, што важнейшае: сувязі крыві, ці тое, што людзі патрэбныя адзін адному.
Фільм «Тата» дэманструецца ў рамках Асноўнага конкурсу і разам з 19 іншымі фільмамі змагаецца за галоўны прыз фестывалю «Залатыя львы».
Фэстываль у Гдыні працягнецца да суботы.
ав