Незалежныя «Купалаўцы» выступяць на сцэне Тэатру Польскага ў Варшаве

8 і 9 кастрычніка будзе паказаны спектакль «Рамантыка» паводле Адама Міцкевіча. Рэжысёр праекту – маэстра Мікалай Пінігін.

.

Фота з сацсетак тэатральнай групы

У 1822 годзе – 200 гадоў таму – Адам Міцкевіч напісаў «Балады і рамансы», умацаваныя ў народнай традыцыі ваколіц Наваградчыны, жыхары якой у часы паэта часта называлі сябе літоўцамі, часта адчувалі сябе палякамі і размаўлялі пераважна па-беларуску. Таму вельмі верагодна, што на гэтай мове малады паэт упершыню мог пачуць фантастычныя гісторыі пра ўзаемапранікненне рэальнага свету і звышнатуральных з'яў. Творчасць Міцкевіча прасякнутая беларускімі матывамі, напоўнена беларускай духоўнасцю, і ў гэтай традыцыі трэба таксама шукаць іх вытокі.

«Літва мая краіна!» Міцкевіч напісаў дзесяць гадоў пазней, што да сёння бянтэжыць чытачоў. Найвялікшы польскі паэт пачынае найважнейшую польскую нацыянальную паэму з таго, што называе сваёй радзімай іншую краіну. Ён мае на ўвазе не Літву, а тэрыторыі сённяшняй Беларусі. Гэта складана, як і наша агульная гісторыя.

Міцкевіч – польскі народны паэт – пакінуў след у польскай літаратуры, даўшы пачатак польскаму рамантызму, але таксама і ў літаратурах беларусаў і літоўцаў, указаўшы кірунак разважанняў пра «малую радзіму» і знайшоўшы прадаўжальнікаў сярод найважнейшых аўтараў сучаснасці літоўскай і беларускай літаратуры.

Пастаноўка рэжысёра Мікалая Пінігіна, падрыхтаваная з акторамі Польскага тэатру ў Варшаве, таксама пра гэта – пра агульную культурную традыцыю памежжа. І нагода для гэтых разважанняў – 200-годдзе стварэння «Балад і рамансаў» Міцкевіча.

ав/Teatr Polski