У Дзень роднай мовы audiobooks.by і Кніжны Воз прэзентавалі аўдыяверсію кнігі «Мова 404» Аліны Нагорнай.
«Прэм'ера! Паўгода працы. 127 гісторый і 101 голас. Некаторыя гісторыі нават не былі апублікаваныя ў папяровай версіі кнігі. Больш за сотню штодзённых перапісак, тысячы правак, дзясяткі гадзін працы гукарэжысёраў і фантастычны вынік», – чытаем на audiobooks.by.
«Мова 404» – гэта беларуская мова ў Беларусі. Паводле Канстытуцыі – дзяржаўная, але толькі на паперы. У Беларусі ёсць дыскрымінацыя па моўнай прыкмеце.
Каб вырашыць праблему, яе трэба ўбачыць, а першы крок да вырашэння любой праблемы – асэнсаванне. У аўдыякнізе сабраныя гісторыі беларусаў, якія сутыкнуліся з моўнай дыскрымінацыяй у розных сферах.
«Мова 404» – незвычайная аўдыякніга. У ёй сабраныя не толькі больш за сотню ўласных гісторый беларусаў і беларусак. Чытаюць гэтыя гісторыі таксама звычайныя беларусы і беларускі. З розных краін свету, розных узростаў. Запісвалі ў простых умовах: дома ці на працы, хтосьці на прафесійнай апаратуры, а часцей – на тэлефоне. Але ўсіх іх, і аўтараў і выканаўцаў, аб’ядноўвае неабыякавасць да роднай мовы і жаданне, каб яе стала больш у нашым жыцці.
У аўдыякнізе 127 гісторый і 101 голас.
Над праектам працавалі каманды audiobooks.by і Кніжны Воз.
Кнігу можна паслухаць бясплатна.
ав